السجين والسجان: أربع مسرحيات من فصل واحد

«السجَّان: من يوم ما جيت هنا يا كمال حياتي كلها اتغيرت! كنت لأول مرة باشوف قدامي راجل حر، ما كنتش فاهم ده معناه إيه، ع الورق انت متهم زيك زي غيرك، لكن بالنسبة لي يا كمال إنت الحر الوحيد، الراجل اللي قدر يقطع الشك بسكينة صغيرة! انت شكيت في سلومة، عرفت عنها اللي انا عرفته عن حسنية! لكن انت راجل ومش ممكن تعيش في عذاب ساجن نفسك ورا باب مقفول زيي وبتقول يا ترى مراتي بتخونِّي ولَّا لأ؟! ما كانش ممكن؛ لأنك حُر.»